पहिल्यांदा सेक्स केल्यानंतर महिलांच्या शरीरात होतात हे बदल, जाणून घ्या एका क्लिकवर

by

Physical Changes After Sex: पहिल्यांदा लैंगिक संबंध ठेवण्याच्या विचाराने अनेकांच्या मनात उत्सुकतेसोबतच भीतीही असते. हा एक महत्त्वाचा टप्पा आहे जो मानसिक, शारीरिक आणि भावनिक स्तरांवर अनेक बदल घडवतो. पहिल्यांदा सेक्स केल्यानंतर काही सामान्य शारीरिक बदल दिसून येतात, जे व्यक्तीनुसार वेगवेगळे असू शकतात. या लेखात, आम्ही पहिल्या सेक्सनंतर होणाऱ्या सामान्य शारीरिक बदलांबद्दल माहिती देणार आहोत.

1. वेदना जाणवणे

पहिल्यांदा लैंगिक संबंध ठेवताना काहींना वेदना जाणवू शकतात. यामागील कारणांमध्ये हायमेनचे स्ट्रेचिंग, लुब्रिकेशनची कमतरता, किंवा योनीमार्गातील स्नायूंचा ताण यांचा समावेश आहे. तसंच मानसिक दबाव किंवा सेक्सबद्दल जास्त विचारही वेदनांना कारणीभूत ठरू शकतो. काही महिलांना ऑर्गॅझमदरम्यान गर्भाशयात क्रॅम्प्स येतात, ज्यामुळे अस्वस्थता जाणवते.



2. रक्तस्त्राव होणे

पहिल्यांदा लैंगिक संबंधांनंतर काही महिलांना योनीतून रक्तस्त्राव होऊ शकतो. हे सामान्य आहे आणि हायमेन तुटल्यामुळे असे होते. परंतु, रक्तस्त्राव न होणेही सामान्य आहे. हायमेन तुटण्याचे कारण फक्त लैंगिक संबंध नसते. कधीकधी शारीरिक हालचाली जसे की सायकलिंग, व्यायाम किंवा इतर क्रीडा प्रकारांमुळेही हायमेन तुटतो. त्यामुळे कौमार्याचा हायमेनशी काहीही संबंध नाही.

3. लघवी करताना जळजळ

लैंगिक संबंधांनंतर काही महिलांना लघवी करताना जळजळ होण्याचा अनुभव येऊ शकतो. योनीमार्ग आणि मूत्रमार्ग अगदी जवळ असल्याने संभोगादरम्यान होणाऱ्या दबावामुळे अशी भावना होऊ शकते. परंतु, ही जळजळ ४-५ दिवसांपेक्षा जास्त काळ टिकल्यास ताबडतोब डॉक्टरांचा सल्ला घ्यावा.


4. योनीमार्गात खाज

पहिल्यांदा सेक्सनंतर काहींना योनीमार्गात खाज येऊ शकते. कंडोम, वंगण, किंवा गर्भनिरोधक गोळ्यांमुळे निर्माण झालेल्या ऍलर्जीमुळे अशी खाज होऊ शकते. जर खाज असह्य वाटत असेल तर ती ऍलर्जीची शक्यता असते, आणि त्यासाठी तज्ञांचा सल्ला घेणे महत्त्वाचे आहे.

5. स्तनाग्र आणि क्लिटॉरिसचा आकार बदलणे

सेक्सदरम्यान स्तनाग्र आणि क्लिटॉरिस यांचा आकार तात्पुरता वाढतो. लैंगिक उत्तेजनेदरम्यान रक्तप्रवाह वाढल्यामुळे स्तन आणि स्तनाग्र अधिक सुजलेले किंवा मोठे वाटू शकतात. यामुळे काही महिलांना नवखेपणाची भावना येऊ शकते, परंतु संभोगानंतर हे भाग हळूहळू त्यांच्या मूळ आकारात परत येतात.

तज्ज्ञांचा सल्ला आवश्यक

पहिल्या लैंगिक अनुभवानंतर शरीरात घडणारे बदल अनेकदा सामान्य असतात. परंतु, कोणताही त्रास दीर्घकाळ टिकत असल्यास डॉक्टरांचा सल्ला घेणे महत्त्वाचे आहे. लैंगिक आरोग्याबाबत पुरेशी माहिती असणे आणि योग्य काळजी घेणे आवश्यक आहे.

(Disclaimer: या लेखातील माहिती सामान्य शारीरिक प्रक्रियांवर आधारित आहे. कोणत्याही शंका असल्यास तज्ञांचा सल्ला घ्यावा.)

Leave a Comment