विधानसभा निवडणुकीची प्रक्रिया पार पडल्यानंतर मुंबई महापालिकेने तातडीने लिपिक पदांसाठी भरती प्रक्रिया राबवण्याची घोषणा केली आहे. महापालिकेच्या विविध खात्यांमधील 1,846 रिक्त पदांसाठी 2 ते 6 डिसेंबर आणि 11 व 12 डिसेंबर 2024 रोजी ऑनलाईन परीक्षा घेण्यात येणार आहे. या परीक्षेमुळे महापालिकेच्या कामकाजावर होणारा ताण कमी होईल, अशी अपेक्षा आहे.
मुंबई महापालिकेच्या संकेतस्थळावर (www.mcgm.gov.in) प्रवेशपत्र उपलब्ध करून देण्यात आले असून उमेदवारांना ती डाऊनलोड करून घ्यावी लागणार आहेत. महापालिका आयुक्त भूषण गगराणी यांच्या मार्गदर्शनाखाली आणि अतिरिक्त आयुक्त डॉ. अश्विनी जोशी यांच्या देखरेखीखाली ही परीक्षा होणार आहे. परीक्षेसाठी पात्र उमेदवारांना वेळापत्रकानुसार आपल्या केंद्रांवर वेळेत पोहोचण्याच्या सूचना देण्यात आल्या आहेत.
भरतीसाठी अर्ज प्रक्रिया 20 ऑगस्ट ते 11 ऑक्टोबर 2024 दरम्यान ऑनलाईन स्वरूपात राबवण्यात आली होती. उमेदवारांना लॉगिन करून प्रवेशपत्र डाऊनलोड करता येईल, ज्यावर परीक्षेसंदर्भातील सर्व महत्त्वाच्या सूचना नमूद असतील. परीक्षेच्या मार्गदर्शनासाठी 95132 53233 हा मदत क्रमांकही उपलब्ध करून देण्यात आला आहे.
रिक्त लिपिक पदांमुळे महापालिकेच्या कामकाजावर विपरीत परिणाम होत असल्याने ही भरती प्रक्रिया महत्त्वाची मानली जात आहे. नवीन उमेदवार महापालिकेच्या सेवेत रुजू झाल्यास दैनंदिन कामकाज अधिक प्रभावीपणे पार पडेल, अशी अपेक्षा व्यक्त करण्यात आली आहे.
- केंद्रीय अर्थसंकल्प 2025: 12 लाख रुपयांपर्यंतचे उत्पन्न करमुक्त, नवीन कर प्रणालीत मोठी सवलत
- अल्लू अर्जुनच्या घरावर हल्ला: वादग्रस्त घटनांमुळे सुपरस्टारने घेतला मोठा निर्णय
- जैसलमेरमध्ये जीएसटी परिषदेची बैठक; दरांमध्ये महत्त्वाचे बदल, महागाईचा भार वाढला
- तुम्ही पाहायलाच हवेत: 2024 चे 10 दमदार हिंदी सिनेमे
- मुंबई आणि टीम इंडियाला अलविदा, पृथ्वी शॉ या देशासाठी खेळणार विश्वचषक!