पुणे | Sassoon Hospital Bharti 2025 : पुण्यातील प्रसिद्ध ससून रुग्णालयातील चतुर्थ श्रेणी कर्मचाऱ्यांच्या भरतीसाठी तब्बल २६ हजारांहून अधिक अर्ज आले आहेत. उपलब्ध केवळ ३५४ पदांसाठी इतका मोठा प्रतिसाद मिळाल्याने स्पर्धा अत्यंत तीव्र झाली आहे. अर्ज प्रक्रिया पूर्ण झाली असून लवकरच लेखी परीक्षा होणार असल्याची माहिती प्रशासनाकडून देण्यात आली आहे.
📌 कोणत्या पदांसाठी भरती?
ससून रुग्णालयात मोठ्या प्रमाणावर चतुर्थ श्रेणी कर्मचाऱ्यांची कमतरता होती. ही भरती झाल्यानंतर कामाचा ताण कमी होणार असून रुग्णालयातील सेवा अधिक सुरळीत चालेल.
या भरतीत खालील पदांचा समावेश आहे:
- कक्षसेवक – १६८
- आया – ३८
- सेवक – ३६
- पहारेकरी – २३
- शिपाई – २
- क्ष-किरण सेवक – १५
- हमाल – १३
- रुग्णपटवाहक – १०
- सहायक स्वयंपाकी – ९
- नाभिक – ८
- स्वयंपाकी सेवक – ८
- प्रयोगशाळा सेवक – ८
- बटलर – ४
- दवाखाना सेवक – ४
- माळी – ३
- प्रयोगशाळा परिचर – १
- भांडार सेवक – १
- गॅस प्रकल्प चालक – १
📌 अर्जांची पडताळणी
३० ऑगस्टपर्यंत अर्ज दाखल करण्याची संधी होती. राज्यभरातून जवळपास ३० हजार अर्ज दाखल झाले होते. मात्र पडताळणी प्रक्रियेनंतर २६,१०१ उमेदवारांची नावे अंतिम यादीत आली आहेत. या भरतीची संपूर्ण प्रक्रिया IBPS कंपनीमार्फत राबवली जात आहे.
📌 सर्वाधिक अर्ज कुठून?
या भरतीत पुण्यातून सर्वाधिक अर्ज आले असून ग्रामीण आणि शहरी भागातूनही मोठा प्रतिसाद मिळाला आहे.
- पुणे – ९,९५० अर्ज
- छत्रपती संभाजीनगर – १,८९६ अर्ज
- नांदेड – १,६९४ अर्ज
- अमरावती – १,२३६ अर्ज
- लातूर – १,१७० अर्ज
- अहिल्यानगर – १,०५१ अर्ज
📌 भरती का महत्त्वाची?
सध्या ससून रुग्णालयात रुग्णांना एका विभागातून दुसऱ्या विभागात नेण्यासाठी कर्मचाऱ्यांची मोठी कमतरता जाणवते. स्वच्छतेसाठी नातेवाईकांची मदत घ्यावी लागते. त्यामुळे ही पदभरती झाल्यानंतर सेवा सुधारेल व रुग्णालयातील कामकाज अधिक कार्यक्षम होईल.
📌 पुढील टप्पा
पात्र उमेदवारांची परीक्षा लवकरच घेण्यात येणार आहे. त्यानंतर गुणांच्या आधारे अंतिम निवड यादी जाहीर केली जाईल. त्यामुळे उमेदवारांनी अधिकृत वेबसाईटवर लक्ष ठेवणे आवश्यक आहे.