शिधापत्रिकाधारक शेतकऱ्यांसाठी महाराष्ट्र शासनाकडून एक मोठा निर्णय घेण्यात आला आहे. आता धान्याऐवजी थेट आर्थिक मदत (DBT – Direct Benefit Transfer) शेतकऱ्यांच्या खात्यावर जमा केली जाणार आहे. २५ जुलै २०२५ रोजी राज्य सरकारने यासंदर्भात शासन निर्णय (GR) काढला असून या निर्णयामुळे शेतकऱ्यांना वेळेवर आर्थिक सहाय्य मिळणार आहे.
कोणाला मिळणार लाभ?
या योजनेचा लाभ मराठवाड्यातील छत्रपती संभाजीनगर जिल्ह्यातील, तसेच अमरावती विभागातील आणि नागपूर विभागातील वर्धा जिल्ह्यातील पिवळ्या शिधापत्रिकाधारक (APL) शेतकऱ्यांना मिळणार आहे. या निर्णयामुळे हजारो शेतकरी लाभार्थी ठरणार आहेत.
किती पैसे मिळणार?
योजनेअंतर्गत सुरुवातीला लाभार्थी शेतकऱ्यांना १५० रुपये प्रति महिना दिले जात होते. मात्र शासनाने ही रक्कम वाढवून १७० रुपये प्रति महिना इतकी केली आहे. थेट पैसे मिळाल्यामुळे शेतकऱ्यांना धान्याऐवजी त्यांना हवे तसे उपयोग करून घेता येईल.
निर्णयाचे फायदे
- शेतकऱ्यांना वेळेवर आर्थिक मदत मिळणार
- अनुदान थेट बँक खात्यावर जमा होणार
- धान्य उचलण्याची गरज कमी होऊन वेळ वाचणार
- शेतकऱ्यांना अधिक स्वातंत्र्य मिळणार
अधिक माहिती कुठे मिळेल?
या योजनेबाबत अधिकृत तपशील जाणून घेण्यासाठी maharashtra.gov.in या महाराष्ट्र शासनाच्या अधिकृत संकेतस्थळाला भेट देऊन शासन निर्णय (GR) पाहू शकता.
राज्य शासनाचा हा उपक्रम शेतकऱ्यांच्या आर्थिक सबलीकरणासाठी महत्त्वाचा ठरणार आहे.