आयपीएल 2025: भारतीय क्रिकेट चाहत्यांसाठी महत्त्वाची बातमी समोर आली आहे. बीसीसीआयने आयपीएलच्या पुढील तीन हंगामांच्या तारखा जाहीर केल्या आहेत. आयपीएल 2025चा हंगाम 14 मार्चपासून सुरू होणार असून अंतिम सामना 25 मे रोजी खेळवला जाणार आहे. त्याचप्रमाणे, आयपीएल 2026 15 मार्च ते 31 मे आणि 2027चा हंगाम 14 मार्च ते 30 मे या कालावधीत होणार आहे.
मेगा लिलावाची तयारी सुरू
आयपीएल 2025 साठी 24 आणि 25 नोव्हेंबर रोजी मेगा लिलाव आयोजित केला जाणार आहे. या लिलावात एकूण 574 खेळाडूंचा समावेश असेल. यामध्ये 48 कॅप्ड भारतीय खेळाडू, 193 कॅप्ड परदेशी खेळाडू, 3 असोसिएट खेळाडू, 318 अनकॅप्ड भारतीय खेळाडू आणि 12 अनकॅप्ड परदेशी खेळाडूंचा समावेश आहे. मात्र, फक्त 204 खेळाडूंना फ्रँचायझी खरेदी करू शकणार आहेत, ज्यामध्ये 70 स्लॉट परदेशी खेळाडूंसाठी राखीव आहेत.
आयपीएलसाठी नवीन पाऊल
बीसीसीआयने फ्रँचायझींना स्पर्धेच्या तारखा आणि विंडोबाबत सविस्तर माहिती दिली आहे. 2025च्या हंगामात एकूण 74 सामने खेळवले जाणार आहेत. भविष्यात प्रत्येक हंगामात 84 सामने खेळण्याचा विचार सुरू आहे, मात्र याबाबत अद्याप अंतिम निर्णय झालेला नाही.
क्रिकेटपटूंसाठी मोठे व्यासपीठ
आयपीएलने जगभरातील खेळाडूंना नाव, पैसा आणि व्यासपीठ मिळवून दिले आहे. मेगा लिलावामुळे अनेक संघ नवीन खेळाडूंना संधी देतील, तर महागड्या खेळाडूंवरही मोठी बोली लागेल. चाहत्यांच्या नजरा आता या लिलावावर खिळल्या आहेत.
बीसीसीआयचे अभूतपूर्व पाऊल
आयपीएलच्या तीन हंगामांच्या तारखा एकत्र जाहीर करणे हे बीसीसीआयचे धाडसी पाऊल मानले जात आहे. यामुळे संघ व्यवस्थापनाला योजनांसाठी अधिक वेळ मिळणार आहे.
तारखा:
आयपीएल 2025: 14 मार्च ते 25 मे
आयपीएल 2026: 15 मार्च ते 31 मे
आयपीएल 2027: 14 मार्च ते 30 मे
आता चाहत्यांना मेगा लिलावाची उत्सुकतेने वाट पाहत, त्यांच्या आवडत्या संघांमध्ये कोणते खेळाडू सहभागी होणार याची प्रतीक्षा आहे.
- Dashavatar Box Office: ‘सैराट’, ‘नटसम्राट’, ‘वेड’चा रेकॉर्ड मोडणार का दिलीप प्रभावळकरांचा चित्रपट?
- चंदन आणि बेसनचा फेस मास्क: टॅनिंग घालवून चेहऱ्याला देईल नैसर्गिक ग्लो
- ITR Filing 2025: आयकर रिटर्न भरण्याची अंतिम तारीख वाढली, करदात्यांना मोठा दिलासा
- पुरण न वाटता बनवा टम्म, गुबगुबीत आणि मऊसर पुरणपोळी – नवशिक्यांसाठी सोप्या टिप्स
- चहाला साखरेऐवजी घाला हे 5 नैसर्गिक पदार्थ, चहा बनेल हेल्दी व नैसर्गिक गोड
