आजकाल आधार कार्ड आणि त्यासंबंधीच्या सेवा घेत असलेल्या व्यक्तींची संख्या वाढत आहे. शासकीय कागदपत्रांसाठी आधार कार्ड अनिवार्य होणामुळे आधार सेंटरला मोठी डिमांड आहे. यामुळे अनेक जण आधार सेंटर सुरु करण्याचा विचार करत आहेत. तुम्हाला देखील आधार सेंटर सुरु करायचं असल्यास, काही महत्त्वाचे टप्पे आहेत ज्यांचा विचार करणे आवश्यक आहे.
१. आधार सेंटर सुरु करण्यासाठी फ्रँचायजी घेणे
आधार सेंटर सुरु करणे हे काही थोडक्यात काम नाही. त्यासाठी आधार कार्ड सेंटर फ्रँचायजी (Aadhar Card Center Franchise) घेणे आवश्यक आहे. भारतीय विशिष्ट ओळख प्राधिकरण (UIDAI) कडून प्रमाणित आधार सेंटर सुरू करण्यासाठी काही प्रक्रिया पार पडाव्या लागतात.
तुम्हाला आधार एनरॉलमेंट (Enrollment) आणि बायोमॅट्रीक पडताळणी (Biometric Verification) करण्याची मान्यता मिळवण्यासाठी UIDAI कडून आयोजित करण्यात येणारी परीक्षा उत्तीर्ण होणे गरजेचं आहे. ही परीक्षा पास केल्यावरच तुम्हाला आधार सेंटर सुरु करण्याची परवानगी मिळते.
२. परीक्षा नोंदणीची प्रक्रिया
आधार सेंटर सुरू करण्यासाठी पहिला टप्पा म्हणजे UIDAI च्या अधिकृत वेबसाइटवर नोंदणी करणे. या टप्प्यात तुम्हाला UIDAI परीक्षा साठी अर्ज करावा लागेल. या प्रक्रियेतील महत्त्वाचे टप्पे पुढीलप्रमाणे आहेत:
क. UIDAI वेबसाइटवर लॉगिन करा:
1. https://uidai.nseitexams.com/UIDAI/LoginAction_input.action या वेबसाइटला भेट द्या.
2. “Create New User” पर्यायावर क्लिक करा.
3. तुम्हाला कोड शेअर करण्यास सांगितलं जाईल. त्यासाठी https://resident.uidai.gov.in/offline-kyc या लिंकवर जाऊन ऑफलाइन ई-आधार डाऊनलोड करा.
ख. XML फाइल आणि Share Code:
ई-आधार डाउनलोड केल्यानंतर तुम्हाला XML फाइल आणि Share Code मिळेल. हेच तुम्हाला अर्ज करताना आवश्यक ठरतील.
ग. अर्ज दाखल करा:
1. अर्ज दाखल करण्याची माहिती असलेली विंडो उघडा.
2. सर्व माहिती योग्य पद्धतीने भरा आणि तुमच्या फोन आणि ई-मेलवर प्राप्त होणारा User ID आणि Password वापरून Aadhaar Testing and Certification पोर्टल वर लॉगिन करा.
घ. अर्ज पूर्ण करा:
आता त्यावर तुमचा फोटो आणि डिजिटल स्वाक्षरी अपलोड करा. त्यानंतर “Proceed to submit form” या पर्यायावर क्लिक करा.
ङ. शुल्क भरा:
वेबसाईटच्या “Menu” मधून पेमेंट पर्याय निवडा आणि शुल्क भरा.
३. सेंटर बुक करणे
परीक्षेसाठी रजिस्टर होण्यानंतर, दोन दिवसांत तुम्हाला सेंटर बुकिंगसाठी पर्याय मिळेल.
1. लॉगिन करून “Book Center” वर क्लिक करा.
2. नजीकच्या आधार सेंटर निवडा आणि परीक्षेची तारीख व वेळ निवडा.
3. Admit Card डाउनलोड करा आणि वेळेवर परीक्षा केंद्रावर पोहोचं.
४. परीक्षा पास झाल्यानंतर
परीक्षेत उत्तीर्ण झाल्यानंतर, तुम्हाला आधार कार्ड सेंटर चालवण्याची फ्रँचायजी मिळेल. तुम्ही केंद्र सुरु करण्यासाठी आवश्यक असलेल्या सर्व यंत्रणा (जसे संगणक, इंटरनेट, ऑफिस सेटअप) स्वतः व्यवस्थित कराव्या लागतात.
५. सेटअपची तयारी
आधार सेंटर सुरु करण्यासाठी आवश्यक असलेल्या साधनसामग्रीची आणि सुविधांची व्यवस्था तुम्हाला स्वतःच करावी लागेल. तुम्हाला खालील गोष्टींची आवश्यकता असेल:
कार्यालयाची जागा
संगणक आणि इन्फ्रास्ट्रक्चर
इंटरनेट आणि नेटवर्किंग सुविधा
६. आधार सेंटरची फ्रँचायजी
आधार सेंटरची फ्रँचायजी घेणं मोफत असलं तरी, संपूर्ण सेंटरचे सेटअप, कर्मचार्यांची नियुक्ती आणि इतर आवश्यक खर्च तुम्ही स्वतः करणार आहात.
आधार सेंटर सुरु करण्यासाठी तुम्हाला UIDAI कडून प्रमाणपत्र आणि फ्रँचायजी मिळवण्यासाठी योग्य प्रक्रिया पार करावी लागेल. यासोबतच, तुमच्याकडे आवश्यक संसाधनं आणि सुविधांची व्यवस्था असणं महत्त्वाचं आहे. तुम्ही या प्रक्रियेचा योग्य पद्धतीने पालन कराल तर तुम्हाला आधार सेवा क्षेत्रात एक यशस्वी व्यवसाय सुरू करण्याची सुवर्णसंधी मिळू शकते.
- केंद्रीय अर्थसंकल्प 2025: 12 लाख रुपयांपर्यंतचे उत्पन्न करमुक्त, नवीन कर प्रणालीत मोठी सवलत
- अल्लू अर्जुनच्या घरावर हल्ला: वादग्रस्त घटनांमुळे सुपरस्टारने घेतला मोठा निर्णय
- जैसलमेरमध्ये जीएसटी परिषदेची बैठक; दरांमध्ये महत्त्वाचे बदल, महागाईचा भार वाढला
- तुम्ही पाहायलाच हवेत: 2024 चे 10 दमदार हिंदी सिनेमे
- मुंबई आणि टीम इंडियाला अलविदा, पृथ्वी शॉ या देशासाठी खेळणार विश्वचषक!
