सणासुदीच्या दिवसांत किंवा रोजच्या धावपळीमध्ये चेहऱ्याची योग्य काळजी घेणं अनेकदा विसरलं जातं. पार्लरमध्ये जाऊन फेशियल करणं हा एक पर्याय असतो, पण त्यासाठी वेळ आणि पैसे दोन्ही खर्च होतात. त्याऐवजी घरच्या घरी बनवलेला नैसर्गिक फेस मास्क चेहऱ्यावरील टॅनिंग कमी करून त्वचेला तजेला देतो. त्यात रसायनांचा वापर नसल्यामुळे साइड इफेक्ट्सची भीतीही राहत नाही.
चला तर जाणून घेऊया चंदन, बेसन, मध आणि लिंबाचा रस वापरून फेस मास्क कसा बनवायचा आणि त्याचे फायदे काय आहेत.
बेसनाचे फायदे
- त्वचेतला अतिरिक्त तेलकटपणा शोषून घेतं.
- चेहऱ्यावरील मळ, धूळ आणि मृत पेशी स्वच्छ करते.
- नियमित वापराने त्वचा मऊ आणि उजळ होते.
चंदन पावडरचे फायदे
- त्वचेला नैसर्गिक थंडावा देते.
- दाह कमी करून डाग कमी करण्यास मदत करते.
- चेहऱ्याला गुळगुळीत आणि तजेलदार बनवते.
मधाचे फायदे
- नैसर्गिक मॉइश्चरायझर म्हणून काम करतं.
- मुरुम आणि पुरळांपासून संरक्षण मिळतं.
- चेहऱ्याला निरोगी चमक मिळते.
लिंबाचा रसाचे फायदे
- टॅनिंग आणि पिग्मेंटेशन कमी करतो.
- विटामिन C मुळे चेहरा उजळ दिसतो.
- योग्य प्रमाणात वापरल्यास त्वचेला नवा तजेला मिळतो.
फेस मास्क कसा बनवायचा?
- 2 चमचे बेसन घ्या.
- त्यात 1 चमचा चंदन पावडर मिसळा.
- 1 चमचा मध आणि 1 चमचा लिंबाचा रस घाला.
- सर्व घटक एकत्र करून पेस्ट तयार करा.
- चेहऱ्यावर हलक्या हाताने लेप लावा आणि १५ मिनिटं ठेवा.
- कोमट पाण्याने धुऊन टाका.
हा मास्क दर रविवारी अंघोळीपूर्वी वापरल्यास चेहऱ्यावरचा टॅन कमी होतो आणि त्वचेला नॅचरल ग्लो मिळतो.
टीप: संवेदनशील त्वचेसाठी लिंबाचा रस कमी प्रमाणात वापरावा. कोणताही घरगुती उपाय करण्याआधी पॅच टेस्ट करणं आवश्यक आहे.