प्रसिद्ध अभिनेता अक्षय कुमार याचा आगामी बॉलीवूड चित्रपट “Welcome to the Jungle” सध्या चर्चेचा विषय ठरत आहे. काही दिवसांपूर्वी अशी अफवा पसरली होती की चित्रपटाची शूटिंग कलाकार व तांत्रिक कर्मचाऱ्यांना पैसे न दिल्यामुळे थांबवण्यात आली आहे. मात्र, आता विश्वसनीय सूत्रांनुसार खरी कारणं समोर आली आहेत.
चित्रपटाच्या शूटिंगसाठी काश्मीरमधील पहलगाम हे ठिकाण निश्चित करण्यात आले होते. पण नुकत्याच घडलेल्या दहशतवादी हल्ल्यामुळे निर्मात्यांनी शूटिंग तात्पुरते थांबवण्याचा निर्णय घेतला. संपूर्ण टीम आणि कलाकारांच्या सुरक्षेच्या कारणास्तव हा निर्णय घेण्यात आला आहे.
चित्रपटाचे जवळपास ७०% चित्रीकरण पूर्ण झाले असून उर्वरित भागासाठी नवीन ठिकाण निश्चित केले जाईल. या उर्वरित भागाचे शूटिंग पावसाळ्यानंतर पुन्हा सुरू होण्याची शक्यता आहे.
अहमद खान दिग्दर्शित आणि फिरोज नाडियाडवाला निर्मित, Welcome to the Jungle हा Welcome चित्रपट मालिकेतील तिसरा भाग आहे. चित्रपटात ३० पेक्षा अधिक कलाकार सहभागी असून, सर्वजण प्रकल्पाबाबत उत्साही आहेत.
चित्रपटाच्या टीमनुसार, शूटिंग थांबवण्याचा निर्णय पेमेंटशी संबंधित नसून फक्त सुरक्षा कारणामुळे घेतला गेला आहे. चित्रपट ख्रिसमस २०२५ मध्ये प्रदर्शित होण्याची शक्यता आहे.