मिरजेत कृष्णा नदीची पाणीपातळी ४३ फुटांवर गेली असून कृष्णाघाट दहनभूमीत पाणी शिरल्याने दहनविधी बंद करण्यात आले आहेत. प्रशासनाने पंढरपूर रोड स्मशानभूमीत पर्यायी व्यवस्था केली आहे.
कृष्णा नदीची पातळी 33 फुटांवर पोहोचल्याने सांगलीतील अमरधाम स्मशानभूमी पाण्याखाली गेली आहे. त्यामुळे दहनविधीसाठी कुपवाड स्मशानभूमीत महानगरपालिकेकडून पर्यायी व्यवस्था करण्यात आली आहे.
पश्चिम महाराष्ट्रात मुसळधार पावसामुळे कोयना धरणातून तब्बल 67,700 क्युसेक्स पाण्याचा विसर्ग सुरू झाला आहे. त्यामुळे कृष्णा नदीची पातळी 35 फुटांवर जाण्याची शक्यता असून, सांगली-कोल्हापूर परिसरातील नदीकाठच्या गावांना प्रशासनाने सतर्कतेचा इशारा दिला आहे.
कर्नाटकने अलमट्टी धरणाची उंची वाढवण्याचा प्रस्ताव केंद्राकडे दिला असून महाराष्ट्र सरकारने त्याला तीव्र विरोध दर्शवला आहे. सांगली आणि कोल्हापूर जिल्ह्यांच्या सुरक्षेच्या दृष्टीने हा प्रस्ताव धोकादायक असल्याचे राज्य सरकारचे म्हणणे आहे.