salman khan ashneer grover bigg boss feud

सलमान खान भडकला 900 कोटींच्या मालकावर; ‘बिग बॉस 18’ मध्ये उफळला वाद, तू खड्ड्यात जा…

by

टीव्हीवरील सर्वात वादग्रस्त शो ‘बिग बॉस’ सध्या एक नविन वळण घेत आहे. वीकेंडच्या वार एपिसोडमध्ये सलमान खान नेहमीच स्पर्धकांना झापताना दिसतो. मात्र, यावेळी सलमानने स्पर्धकांना नाही, तर शोमध्ये आलेल्या गेस्टला, म्हणजेच ‘शार्क टँक इंडिया’ फेम अशनीर ग्रोवर यांना झापलं.

शोच्या या आठवड्याच्या वीकेंड एपिसोडमध्ये अशनीर ग्रोवर उपस्थित होते. सलमान खानने त्यांच्या उपस्थितीची अगदी आस्थेने स्वागत केल्यानंतर, काही वेळातच दोघांमध्ये तणावाचे प्रसंग दिसले. प्रोमोमध्ये सलमान अशनीरला म्हणताना दिसले, “तुम्ही मला साइन केले आहे असं एका व्हिडिओमध्ये तुम्ही माझ्याबद्दल बोलताना ऐकलं. तुम्ही सर्व आकडे चुकीचे दिले. मग हा दुप्पटपणा काय आहे?”

यावर, अशनीर ग्रोवर यांनी चांगल्या पद्धतीने उत्तर दिलं, “मला वाटतं की तुम्हाला आमचा ब्रँड ॲम्बेसेडर बनवण्यासाठी आम्ही घेतलेल्या सर्वात स्मार्ट पाऊलांपैकी हे एक होते.” मात्र सलमान यावर चांगलेच तापले आणि त्याने त्यांना स्पष्ट केले, “तुम्ही आता ज्या पद्धतीने बोलत आहात, त्यात तुमचा जो ॲटीट्यूड होता, तो मला वाटत नाही की तो योग्य होता.”

पण यावरून एक जुना वाद पुन्हा उफाळून आला. काही काळापूर्वी अशनीर ग्रोवर यांनी एका मुलाखतीत सांगितलं होतं की, ते एक प्रायोजित शूट करत असताना सलमान खानशी संबंधित एक घटना घडली होती. अशनीर यांचा दावा होता की, त्यांनी सलमानला एक प्रायोजित शूटसाठी बोलावलं होतं, आणि त्या वेळी सलमानच्या मॅनेजरने त्यांना सांगितलं की, सलमान त्यांच्यासोबत फोटो काढणार नाही.



अशनीर यांचा अनुभव असा होता की, “माझ्या भेटी दरम्यान मी तीन तास सलमानसोबत बसलो. त्या वेळी त्याच्या मॅनेजरने मला सांगितलं की फोटो काढायचा नाही, कारण सरांना ते आवडत नाही. त्यावर मी ताबडतोब उत्तर दिलं, ‘तू खड्ड्यात जा, मलाही फोटो काढायचा नाही. ही कसली हिरोपंती?'”

सलमान आणि अशनीर यांच्यातील हा वाद आता ‘बिग बॉस’च्या वीकेंडच्या वारमध्ये चांगलाच चर्चेचा विषय बनला आहे. हा वाद पुढे कसा रिझोल्व होईल, ते पाहणं महत्त्वाचं ठरणार आहे.

Leave a Comment