‘स्वराज्यरक्षक संभाजी’ या मालिकेतून घराघरात पोहोचलेली आणि प्रचंड लोकप्रियता मिळवलेली अभिनेत्री प्राजक्ता गायकवाड सध्या तिच्या खासगी आयुष्यातील घडामोडींमुळे चर्चेत आहे. नुकतेच तिने सोशल मीडियावर काही खास फोटो शेअर करत चाहत्यांचे लक्ष वेधले आहे.
या फोटोंमध्ये प्राजक्ता गायकवाड नवरीसारखी सजलेली दिसत आहे. तिच्या गळ्यात पुष्पहार आहे आणि संपूर्ण वधूप्रमाणे तिने पारंपरिक साजशृंगार परिधान केला आहे. हे फोटो पाहून तिच्या चाहत्यांना एक सुखद आश्चर्याचा धक्का बसला असून, अनेकांनी कमेंट करत तिला शुभेच्छाही दिल्या आहेत.
या फोटोंवरून प्राजक्ताने गुपचूप साखरपुडा उरकला का, असा प्रश्न सध्या अनेकांच्या मनात घर करत आहे. “प्रत्येक मुलीच्या आयुष्यातील एक महत्वाचा टप्पा” असं कॅप्शन देत तिने हे फोटो सोशल मीडियावर शेअर केले आहेत. तिच्या या पोस्टवर चाहत्यांसह अनेक सेलिब्रिटींनीही कमेंट्सचा वर्षाव करत तिला भरभरून शुभेच्छा दिल्या आहेत.
प्राजक्ताने या फोटोंसोबत ‘#ठरलं’ असा हॅशटॅगदेखील वापरला आहे, त्यामुळे तिचं लग्न खरंच ठरलं आहे का, यावरून चर्चेला आणखी जोर मिळाला आहे. या पोस्टवर सोशल मीडिया इन्फ्लुएन्सर ‘कोकण हार्टेड गर्ल’ अर्थात अंकिता वालावलकर, गायिका सावनी रविंद्र, अभिनेत्री ऋतुजा बागवे आणि गायिका कार्तिकी गायकवाड यांसारख्या प्रसिद्ध व्यक्तींनीही तिला शुभेच्छा देत आनंद व्यक्त केला आहे.
याआधीही प्राजक्ताने बघण्याच्या कार्यक्रमाचे काही फोटो सोशल मीडियावर शेअर केले होते. त्या फोटोंना तिने ‘पाहुणे मंडळी’ असं कॅप्शन दिलं होतं. त्यासोबतच तिने लिहिलं होतं, “इंजिनिअरिंग झाल्यावर जॉब कधी लागणार? वयात आल्यावर लग्न कधी करणार? हे प्रश्न ठरलेले असतात.” तिच्या या पोस्टने चाहत्यांच्या उत्सुकतेला अधिकच चालना दिली होती.
प्राजक्ता गायकवाड यांनी ‘स्वराज्यरक्षक संभाजी’ या ऐतिहासिक मालिका मध्ये महाराणी येसूबाईची भूमिका साकारली, ज्यामुळे ती घराघरात पोहोचली आणि प्रचंड लोकप्रियता मिळवली आहे .
याशिवाय, तिने ‘आई माझी काळूबाई’ आणि ‘शिवपुत्र संभाजी’ (म्हणजेच नाटक) यांसारख्या प्रतिष्ठित प्रोजेक्ट्समध्येही काम केले आहे .