आता RTO ऑफिसच्या फेऱ्या बंद; हलक्या मालवाहू वाहनांच्या नोंदणीसाठी फेसलेस सेवा सुरू

by

राज्यातील वाहन नोंदणी प्रक्रिया आणखी सोपी करण्याच्या दृष्टीने परिवहन विभागाने मोठे पाऊल उचलले आहे. २८ नोव्हेंबरपासून हलक्या मालवाहू वाहनांची नोंदणी फेसलेस (चेहरा विरहित) पद्धतीने ऑनलाईन करण्याची सुविधा उपलब्ध करून देण्यात आली आहे. ही सेवा राज्यभरातील सर्व परिवहन कार्यालयांसाठी आणि सर्व संबंधित वाहन वितरकांकडे लागू असणार आहे.

या सुविधेमुळे हलक्या मालवाहू वाहनांची नोंदणी पूर्णपणे फेसलेस पद्धतीने होणार असून, वाहन मालकाला www.parivahan.gov.in या संकेतस्थळावर जाऊन अर्ज भरावा लागेल. वाहन नोंदणी शुल्क आणि कराचा भरणा केल्यानंतर नोंदणी प्रक्रिया पूर्ण होईल. यासाठी वाहन वितरकांना वाहन मालकांची मदत घेऊन ही प्रक्रिया पार पाडता येईल.



सध्याच्या खाजगी वाहनांच्या फेसलेस नोंदणीप्रमाणेच हलक्या मालवाहू वाहनांची नोंदणीसुद्धा वितरकांकडेच करता येणार आहे. परिणामी, हलकी मालवाहू वाहने नोंदणीसाठी परिवहन कार्यालयात नेण्याची गरज भासणार नाही. यामुळे वाहनधारकांचा वेळ आणि इंधन वाचणार असून नोंदणी प्रक्रियाही अधिक सुलभ होणार आहे.

तांत्रिक अडचणींच्या संदर्भात वाहन वितरकांनी dytccomp.tpt-mh@gov.in या ई-मेलवर संपर्क साधावा, असे आवाहन करण्यात आले आहे. परिवहन आयुक्त विवेक भिमनवार यांनी सर्व नागरिकांनी आणि वाहन वितरकांनी या सुविधेचा लाभ घ्यावा, असे आवाहन केले आहे.

हलक्या मालवाहू वाहनांच्या फेसलेस नोंदणीसाठी महत्त्वाचे मुद्दे:


1. सेवेचा प्रारंभ:

२८ नोव्हेंबरपासून हलक्या मालवाहू वाहनांची फेसलेस (चेहरा विरहित) स्वरूपात नोंदणी प्रक्रिया सुरू.



2. प्रक्रियेचे स्वरूप:

नोंदणीसाठी www.parivahan.gov.in या संकेतस्थळावर अर्ज भरावा लागेल.

वाहन नोंदणी शुल्क व कराचा भरणा ऑनलाईन पद्धतीने करावा लागेल.



3. फायदे:

वाहन वितरकांकडेच नोंदणी प्रक्रियेची सुविधा उपलब्ध.

हलकी मालवाहू वाहने परिवहन कार्यालयात नेण्याची गरज नाही.

वेळ आणि इंधनाची बचत.

प्रक्रिया अधिक सुलभ व सोपी.



4. राज्यव्यापी सेवा:

राज्यातील सर्व परिवहन कार्यालयांसाठी व संबंधित वाहन वितरकांसाठी लागू.



5. तांत्रिक सहाय्य:

अडचण आल्यास dytccomp.tpt-mh@gov.in येथे ई-मेलद्वारे संपर्क साधता येईल.



6. परिवहन आयुक्तांचे आवाहन:

सर्व नागरिक व वाहन वितरकांनी या सेवेचा लाभ घ्यावा.

Leave a Comment