Ladki Bahin Yojana: महत्वाची बातमी, लाडक्या बहिणींना या तारखेपासून मिळणार 2100 रुपये

by

मुख्यमंत्री माझी लाडकी बहीण योजनेचा महिलांना मोठा लाभ, विधानसभा निवडणुकीत सरकारला यश
लोकसभा निवडणुकीनंतर सुरू करण्यात आलेल्या ‘मुख्यमंत्री माझी लाडकी बहीण’ योजनेला महिलांकडून मोठा प्रतिसाद मिळाला आहे. या योजनेअंतर्गत तीन महिन्यांतच सोलापूर जिल्ह्यातील ११ लाख महिलांसह राज्यातील तब्बल २.५ कोटी महिलांनी अर्ज केले आहेत. राज्य सरकारने महिलांना नोव्हेंबरअखेर लाभ वितरित करून त्यांना विधानसभेच्या आचारसंहितेपूर्वीच दिलासा दिला आहे.

विधानसभा निवडणुकीत महायुती सरकारने महिलांना दरमहा २,१०० रुपये देण्याचे वचन दिले होते. या योजनेच्या यशामुळे महायुती सरकारला निवडणुकीत मोठा फायदा झाला आहे. महाविकास आघाडी सरकारने प्रचारादरम्यान महिलांना ३,००० रुपये देण्याचे आश्वासन दिले होते, मात्र महायुती सरकारने प्रत्यक्षात १ जुलैपासून दरमहा १,५०० रुपये देत महिलांचा विश्वास संपादन केला. या योजनेमुळे महिलांनी महायुती सरकारला मोठा पाठिंबा दिला, असे निवडणूक निकालांवरून स्पष्ट होते.

राज्यातील २८८ आमदारांपैकी १८७ आमदारांना एक लाखांहून अधिक मते मिळाल्याचे चित्र दिसत आहे. मुख्यमंत्री माझी लाडकी बहीण योजनेचा पुढील लाभ विधानसभा निवडणुकीच्या आचारसंहिता संपल्यानंतर दिला जाणार आहे. यामध्ये महिलांना दरमहा दीड हजार रुपये देण्याचे धोरण सुरू ठेवायचे की २,१०० रुपये द्यायचे, याचा निर्णय आगामी अर्थसंकल्पीय अधिवेशनात होण्याची शक्यता आहे.

या योजनेमुळे महिलांच्या आर्थिक सक्षमीकरणाला चालना मिळाल्याचे स्पष्ट झाले आहे, असे प्रसाद मिरकले, महिला व बालविकास अधिकारी, जिल्हा परिषद, सोलापूर, यांनी सांगितले.

Leave a Comment