महाराष्ट्र सरकारने विना हेल्मेट दुचाकीस्वार आणि सहप्रवाशांवर कडक कारवाई करण्याचे आदेश वाहतूक विभागाचे अपर पोलिस महासंचालक यांनी दिले आहेत. विधानसभेच्या निवडणुकीनंतर त्वरित हा आदेश जारी करण्यात आला असून, आता दुचाकी चालकांसोबतच पाठीमागे बसलेल्या सहप्रवाशांवरही कारवाई केली जाणार आहे. या निर्णयामुळे राज्यातील अनेक दुचाकीस्वारांनी हेल्मेट सक्तीबद्दल आपली नाराजी व्यक्त केली आहे.
पूर्वी, विना हेल्मेट असलेल्या दुचाकीचालकांवर कारवाई केली जात होती. मात्र, नवीन आदेशानुसार सहप्रवाशांवरही कारवाई केली जाईल, यासाठी वाहतूक पोलिसांच्या ई-चलन मशिनमध्ये सुधारणा केली गेली आहे. पुणे शहरात दररोज साधारणत: ४,००० विना हेल्मेट चालकांवर कारवाई केली जात आहे, परंतु त्यातून दंड भरणाऱ्यांची संख्या कमी आहे.
पुणे प्रादेशिक परिवहन कार्यालयाने १ एप्रिल ते ३१ ऑक्टोबर २०२४ दरम्यान १०,००० दुचाकीस्वारांवर कारवाई केली, ज्यातून सुमारे ४४ लाख ५७ हजार रुपयांचा दंड वसूल केला गेला. विशेषतः सरकारी कार्यालयांत हेल्मेट घालणे अनिवार्य करण्यात आले आहे, आणि यासाठी चार पथकांची स्थापना केली गेली आहे. पुणे ‘आरटीओ’च्या वायुवेग पथकाने ऑक्टोबर महिन्यात ४,१६५ वाहनांची तपासणी केली, ज्यामध्ये २,१७५ दुचाकीस्वार विना हेल्मेट आढळले, आणि त्यांच्यावर सुमारे १० लाख २९ हजार रुपयांचा दंड लावला गेला.
हेल्मेट न घालण्यामुळे दुचाकी अपघातात मृत्यू आणि गंभीर जखमी होण्याच्या घटनांमध्ये वाढ झाली आहे, आणि यावर नियंत्रण ठेवण्यासाठी कडक नियमांची अंमलबजावणी केली जात आहे.
- टेस्ला शोरूम उद्घाटनावरुन आदित्य ठाकरेंचा सवाल – “२५ लाखांची कार ६० लाखांना, जबाबदार कोण?”
- महाराष्ट्र शिक्षक अभियोग्यता व बुद्धिमत्ता चाचणी परीक्षेचा निकाल लांबला
- TAIT 2025 परीक्षेसंदर्भात महत्वाची सूचना: व्यावसायिक अर्हतेचे प्रमाणपत्र विहित मुदतीत सादर करणे बंधनकारक – महाराष्ट्र राज्य परीक्षा परिषदेचे प्रसिध्दीपत्रक
- Vivo X200 FE भारतात लॉन्च: डायरेक्ट अ‍ॅपलसोबत स्पर्धा? Samsung आणि गुगलने ही घेतला धसका
- TAIT 2025 परीक्षा : B.Ed Appeared उमेदवारांसाठी महत्त्वाची सूचना, गुणपत्रक पाठवण्यास…