भारताचे अत्याधुनिक सॅटेलाईट GSAT-N2 अवकाशात झेपावले; ISRO-SpaceX यांची भागीदारी झाली यशस्वी

भारतीय अंतराळ संशोधन संस्था (ISRO) यांनी विकसित केलेले अत्याधुनिक कम्युनिकेशन सॅटेलाईट GSAT-N2 (GSAT-20) यशस्वीरित्या अवकाशात झेपावले आहे. हे सॅटेलाईट इलॉन मस्कच्या SpaceX कंपनीच्या Falcon 9 रॉकेटच्या सहाय्याने अमेरिकेतील फ्लोरिडा येथील केप कार्निव्हल येथून प्रक्षेपित करण्यात आले.

दळणवळण यंत्रणेची ताकद वाढणार

ISRO प्रमुख एस. सोमनाथ यांच्या मते, GSAT-N2 सॅटेलाईटमुळे भारताची दळणवळण यंत्रणा अधिक बलशाली होईल. 4,700 किलो वजन असलेल्या या सॅटेलाईटचा मुख्य उद्देश दुर्गम भागांपर्यंत इंटरनेट सुविधा पोहोचवणे हा आहे. 14 वर्षांच्या मिशन लाइफसह हे सॅटेलाईट भारताच्या डिजिटल क्रांतीसाठी महत्त्वाची भूमिका बजावणार आहे.



विमान प्रवासात इंटरनेटची सुविधा उपलब्ध होणार

सरकारने नवीन नियम लागू केल्यामुळे आता भारतात 3,000 मीटर किंवा त्याहून अधिक उंचीवर विमान प्रवासादरम्यान प्रवाशांना इंटरनेटचा वापर करता येणार आहे. वाय-फायसह इंटरनेट सुविधा देण्यासाठी GSAT-N2 उपग्रह महत्त्वाची भूमिका बजावेल.

SpaceX ची मदत का घेतली?

ISRO चे GSLV Mk-III रॉकेट 4,000 किलोपर्यंतचे सॅटेलाईट अवकाशात नेऊ शकते. मात्र, GSAT-N2 चे वजन 4,700 किलो असल्याने SpaceX च्या Falcon 9 रॉकेटची निवड करण्यात आली. ही भारतासाठी दुसऱ्या देशाच्या रॉकेटच्या सहाय्याने केलेली पहिलीच सॅटेलाईट लाँचिंग मोहीम आहे.

GSAT-N2 च्या यशस्वी प्रक्षेपणामुळे भारताची अंतराळ संशोधन आणि दळणवळण क्षेत्रातील प्रगती अधिक वेगाने होईल, अशी अपेक्षा आहे.

Leave a Comment