सोशल मीडियावर सध्या एक पोस्ट चांगलीच व्हायरल होत आहे, जिथे एका पतीने त्याच्या आयुष्यातील मजेदार अनुभव शेअर केला आहे. ‘X’ या सोशल मीडिया प्लॅटफॉर्मवरील @gherkekalesh या अकाउंटवरून हा किस्सा शेअर करण्यात आला आहे, ज्यामुळे अनेक युजर्सना हसू अनावर झाले आहे.
सासरच्या मंडळींच्या आगमनाची बातमी मिळताच जावयाचा अनोखा प्लान
पोस्टमध्ये लिहिल्यानुसार, एका पतीला त्याच्या पत्नीने सांगितलं की तिची सासू आणि माहेरची मंडळी त्याच्या घरी येणार आहेत. मात्र, हे ऐकताच जावयाने वेगळाच निर्णय घेतला. माहेरच्या मंडळींच्या गोंधळापासून वाचण्यासाठी त्याने ओयो हॉटेलमध्ये तीन दिवसांसाठी आलिशान रूम बुक केली. या दिवसांत त्याने त्याच्या मित्रांसोबत स्पा डेचा आनंद घेतला आणि आरामात वेळ घालवला. मात्र, पत्नीला सत्य सांगण्याचा निर्णय त्याला चांगलाच महागात पडला.
पत्नीने दिली जावयाला भन्नाट शिक्षा
हेही वाचा –
पत्नीला सत्य सांगितल्यावर तिने अशा प्रकारे सूड घेतला की जावयाला धक्का बसला. तिने पतीच्या नातेवाईकांना तब्बल 10 दिवसांसाठी घरी बोलावलं. त्याचबरोबर पतीचं क्रेडिट कार्ड घेऊन ती आपल्या मित्रमैत्रिणींना सोबत घेऊन गोव्याला सुट्ट्यांचा आनंद घेण्यासाठी निघून गेली.
सोशल मीडियावर युजर्सचा हशा
ही पोस्ट व्हायरल झाल्यानंतर युजर्सनी विविध प्रकारच्या प्रतिक्रिया दिल्या आहेत. काहींनी पतीचा प्लान “गंमतीशीर” असल्याचं म्हटलं, तर काहींनी पत्नीच्या शिक्षेला “परफेक्ट सूड” म्हणत तिचं कौतुक केलं.
जावयाचा अनुभव काय शिकवतो?
सत्य सांगणं चांगलं की वाईट, हा प्रश्न विचारत पतीने त्याच्या पोस्टचा शेवट केला. मात्र, या गोष्टीने पती आणि पत्नीच्या नात्यातील मजेशीर दृष्टीकोन समोर आणला आहे, जो सोशल मीडियावरील युजर्सना आवडत आहे.
- Casio G-Shock: स्टाईल आणि टिकाव यांचा जबरदस्त संगम
- HSRP नंबर प्लेट कसे बनवाल तेही आपल्या मोबाईलवरून
- शेतकऱ्यांसाठी दिलासादायक बातमी! 2024 पिक विमा भरपाईसाठी 1028 कोटींचा निधी वितरीत
- IND vs ENG 3rd Test: इंग्लंडचा ‘बॅझबॉल’ फेल? पहिल्या दिवशी टीम इंडिया मानसिक लढाईत सरस!
- लॉर्ड्स कसोटी : नितीश कुमार रेड्डीचा ऐतिहासिक पराक्रम, पहिल्याच षटकात दोन विकेट्स