इलोन मस्क देणार भारतीयांना नोकऱ्या; X प्लॅटफॉर्मवर नवीन जॉब सर्च फीचर

एलोन मस्क यांनी आपल्या सोशल मीडिया प्लॅटफॉर्म, X मध्ये एक महत्त्वाचा बदल केला आहे. आता, X वर नोकरी शोधणे सुलभ झाले आहे. जसे की लिंक्डइनवर वापरकर्ते नोकरी शोधतात, तसेच X वर देखील आता नोकऱ्या शोधू शकता. याआधी, या फीचरचा उपयोग फक्त काही वापरकर्त्यांनाच मिळत होता, पण आता सर्व वापरकर्त्यांना याचा फायदा होईल.

२०२२ मध्ये X (पूर्वी ट्विटर) खरेदी केल्यानंतर मस्क यांनी प्लॅटफॉर्ममध्ये अनेक महत्त्वाचे बदल केले आहेत. व्हिडिओ कॉलिंग, लांब व्हिडिओ शेअर करणे, पोस्ट एडिट करणे आणि लाइव्ह अपडेट्स यांसारख्या नवीन फीचर्सची ओळख करून देत, मस्क आता लिंक्डइनच्या वापरकर्त्यांना आपल्या प्लॅटफॉर्मवर आकर्षित करण्याचा प्रयत्न करत आहेत.

X-Hiring फीचर कसे कार्य करते?


X-Hiring फीचर आता मुख्यतः व्हेरिफाइड कंपन्यांसाठी उपलब्ध आहे. यामुळे कंपन्यांना त्यांची नोकरी पोस्ट करण्याची आणि नोकरी शोधणाऱ्यांना योग्य नोकरी शोधण्यात मदत होईल. यामध्ये एक अॅप्लिकेशन ट्रॅकिंग सिस्टम (ATS) देखील समाविष्ट आहे, जो हायरिंग कंपन्यांना उमेदवारांचे डेटा XML फीडच्या माध्यमातून प्रदान करतो.

वापरकर्त्यांना जॉब सर्च करण्यासाठी कोणतीही अतिरिक्त फीची आवश्यकता नाही, परंतु कंपन्यांना X-Hiring फीचर वापरण्यासाठी सुमारे ८२,००० रुपये महिन्याला द्यावे लागतील. नोकरी शोधण्यासाठी, वापरकर्त्यांना फक्त X अॅप किंवा वेबसाइटवर जॉब ऑप्शनवर क्लिक करावे लागेल आणि योग्य कीवर्ड वापरून नोकरी शोधता येईल.



मस्कच्या या नवीन फीचरने सोशल मीडिया आणि जॉब सर्च क्षेत्रात एक नवीन दृषटिकोन उभा केला आहे, परंतु याच्या यशस्वितेचा यथार्थ काय होईल हे पाहणे तितकेच महत्त्वाचे ठरेल.

Leave a Comment