मुख्यमंत्री माझी लाडकी बहीण योजना: राज्यातील लोकप्रिय मुख्यमंत्री माझी लाडकी बहीण योजना आता नव्या टप्प्यात प्रवेश करत आहे. योजनेअंतर्गत अडीच कोटींपेक्षा अधिक महिलांनी अर्ज केला होता. त्यातील दोन कोटींहून अधिक महिलांना नोव्हेंबरपर्यंत दरमहा ₹१५०० चा लाभ मिळाला आहे. मात्र, आता योजनेतील निकषांची काटेकोर पडताळणी होणार असून पात्र महिलांना १ एप्रिल २०२४ पासून दरमहा ₹२१०० दिले जाणार आहेत.
योजनेतील महत्त्वाचे बदल
योजनेच्या सुरुवातीला अर्जदारांकडून स्वयंघोषणापत्र घेतले गेले होते, ज्यामुळे अनेक अपात्र महिलांनाही लाभ मिळाला, अशी चर्चा आहे. त्यामुळे आता निकषांनुसार पात्रता तपासून लाभार्थ्यांची संख्या कमी करण्याचा सरकारचा विचार आहे.
प्रमुख निकष तपासणीसाठी:
1. अर्जदार महिलांच्या कुटुंबातील व्यक्ती आयकर भरणारा आहे का?
2. कुटुंबाकडे चारचाकी वाहन आहे का?
3. एकाच कुटुंबातील दोनपेक्षा अधिक महिलांनी अर्ज केला आहे का?
4. विधवा, परितक्त्या महिलांनी इतर योजनांचा लाभ घेतला आहे का?
हेही वाचा –
निधी व लाभाचा अभ्यास
योजनेसाठी पहिल्या वर्षी ₹४५,००० कोटींची तरतूद करण्यात आली होती. मात्र, योजनेत निकषांची काटेकोर पडताळणी केल्यास अपात्र लाभार्थ्यांची संख्या कमी होईल, असा विश्वास आहे. यामुळे पात्र महिलांना दरमहा ₹२१०० चा लाभ देणे शक्य होणार आहे.
शासन निर्णयाची प्रतीक्षा
महिला व बालकल्याण विभागाने योजनेतील नवीन रक्कम लागू करण्यासाठी शासन निर्णय अपेक्षित असल्याचे स्पष्ट केले आहे. सध्याच्या लाभार्थ्यांमध्ये किती अपात्र आहेत, याचा अभ्यास सुरू असून त्यानंतरच योजनेतील अंतिम लाभार्थ्यांची यादी जाहीर केली जाईल.
– प्रसाद मिरकले, महिला व बालकल्याण अधिकारी, सोलापूर जिल्हा परिषद
भविष्यातील अपेक्षित बदल
राज्याच्या अर्थसंकल्पानंतर १ एप्रिलपासून ₹२१०० चा लाभ सुरू होईल. योजनेच्या लाभासाठी पात्र महिलांनी शासन निर्णयाचे पालन करणे गरजेचे आहे.
टॅग्स: महिलांचे आर्थिक सबलीकरण, शासकीय योजना महाराष्ट्र, महिला कल्याण योजना
- टेस्ला शोरूम उद्घाटनावरुन आदित्य ठाकरेंचा सवाल – “२५ लाखांची कार ६० लाखांना, जबाबदार कोण?”
- महाराष्ट्र शिक्षक अभियोग्यता व बुद्धिमत्ता चाचणी परीक्षेचा निकाल लांबला
- TAIT 2025 परीक्षेसंदर्भात महत्वाची सूचना: व्यावसायिक अर्हतेचे प्रमाणपत्र विहित मुदतीत सादर करणे बंधनकारक – महाराष्ट्र राज्य परीक्षा परिषदेचे प्रसिध्दीपत्रक
- Vivo X200 FE भारतात लॉन्च: डायरेक्ट अ‍ॅपलसोबत स्पर्धा? Samsung आणि गुगलने ही घेतला धसका
- TAIT 2025 परीक्षा : B.Ed Appeared उमेदवारांसाठी महत्त्वाची सूचना, गुणपत्रक पाठवण्यास…